Wednesday 18 November 2015

लय जोरात पिकल्यात आंबं

लय जोरात पिकल्यात आंबं
मी चाखुन बघतोय थांबं
या पावसाच्या रानात
सखे तु होशील चिंब
या केळीचा उनाड बांबू
पपईला देतोय टेकू
या पपईचा मधाळ रस
सखे तु दे मला चाखू
हा डाळींबाचा दाणा
लालभडक आणि छान
पाहुन या डोळ्यांनी
झालोय मी बेभान
या राना शिवारात
लय जोपासल्याती झाडं
या कसलेल्या बाहुंनी
त्यांचा केलाय लाडं
ही झाडं फुलं पानं
ही हवाही झालीय धुंद
या हिरव्या झाडखाली
सखे तु होशील चिंब
लय जोरात पिकल्यात आंबं
मी चाखुन बघतोय थांबं
या पावसाच्या रानात
सखे तु होशील चिंब

No comments:

Post a Comment